Damos a benvida a Soraya Rial Álvarez coma nova colaboradora no proxecto!
Soraya será a tradutora/correctora oficial da blogue e prestarame axuda nas tarefas de deseño e organización.
Eu escribirei principalmente a versión galega do proxecto, traducindo pouco a pouco cara a versión española, mentres ela se encargará integramente da versión inglesa e cando teña tempo revisará e colaborará no que eu vaia facendo nas outras linguas. Por isto é posible que a versión galega vaia mais avanzada cas outras, pero intentaremos que todo estea ao día coa maior brevedade posible.
Gustaríame recordar que Soraya realiza esta labor sen ánimo de lucro e coa única motivación de axudarme e colaborar coa expansión deste proxecto e á súa vez coa do Software Libre. Por isto doulle dende xa as grazas e agradezo a INMENSA AXUDA que me presta ao apoiarme nesta labor.
Un pouco sobre Soraya:
Soraya Rial Álvarez é unha Tradutora e Intérprete nas combinacións Inglés-Español, Inglés-Galego, Alemán-Español e Alemán-Galego, ou como ela o escribiría: EN, DE > ES, GL.
Licenciada en Tradución e Interpretación na Universidade de Vigo.
Experiencia Profesional:
- Tradutora – intérprete autónoma.
- Tradutora en NARTRAN Translations.
- Tradutora parcial da novela Legendwar de Javier Ramírez Víera.
- Tradutora voluntaria na organización La Vía Campesina.
- Asistente Lingüística da reunión do III Grupo de Traballo do IPCC (Programa Europeo sobre o Cambio Climático) celebrado en Vigo.
- Intérprete de simultánea e consecutiva no IV Congreso de Entrenadores de Piragüismo en Aguas Tranquilas (Catoira).
Contacto: soraya.rialvarez@gmail.com
BotyBot 