A IDEA principal do proxecto é a de deseñar e crear, isto é, construír, un robot móbil con certa capacidade autónoma.
Filtrando esta IDEA, chego á conclusión de que o que pretendo crear é un robot cuxa mobilidade dependa das RODAS.
O robot terá tracción DIFERENCIAL, ou o que é o mesmo, dúas rodas paralelas impulsadas por un motor independente cada unha, o que lles permite xirar no mesmo sentido ou en sentidos contrarios e coa mesma ou distintas velocidades.
A configuración será coma a dun TRICICLO, ou sexa, as dúas rodas motrices máis unha terceira roda que funcionará como punto de apoio situada a mesma distancia de cada roda pero desplazada do seu eixo. Utilizarase unha bóla coma roda loca para facer da terceira roda do triciclo.
Para ter capacidade autónoma precisa coñecer o mundo, o cal se intentará con sensores. Os aquí empregados serán sensores de INFRAVERMELLOS de media-longa distancia, outros de curta e sensores de ULTRASÓNS.
Aumentando a súa capacidade de toma de decisións, implementarase un software nun MICROCONTROLADOR. Poderiamos empregar circuitos analóxicos e portas lóxicas para este fin, pero a capacidade autónoma veríase moi mermada.
A autonomía será prestada por unha BATERÍA económica e con suficiente carga eléctrica para o correcto funcionamento do robot sen desatender a súa capacidade de almacenamento para prolongar o máximo a actividade do mesmo entre cargas.
Dotarase ao robot dun SISTEMA DE COMUNICACIÓN-1, 2, 3 de medio alcance, para poder interconectalo con distintas plataformas coma son un teléfono móbil, un portátil, unha tablet, etc.
BotyBot 