A motivación principal para escribir estas letras e as que as rodean é as gañas de compartir, si, así de simple; nas horas, días, semanas que levo buscando información para facer este proxecto aprendín moitas cousas: unhas, por darme de golpes contra a parede, pero outras, a maioría, grazas á xente que compartía. Si, compartían información, sen pedir nada a cambio, e ofrecen os seus coñecementos ao mundo e a quen lle interese. Grazas a xente coma esta, o mundo ten avanzado ata onde está.“Para que RE-inventar a roda”; esta frase define o concepto que intento explicar, se o inventor/a da roda lle tivese posto Copyright ou tivese enterrado os planos no fondo dun caixón, a ver como o defunto Jobs de Apple ou Bill de Windows ían aos seus traballos, e son eles precisamente os que fan isto, e non me refiro a ir traballar como pretende todo fillo de veciño, se non que deixan baixo chave calquera posibilidade de evolución.
Por todo isto, que non é pouco, e por máis, escribo esta blogue, a cal pretendo que sexa un gran de area, moi necesaria neste país cando se fala de calquera tema minimamente especializado.
BotyBot 